Facbook Pixel

دورات تدريبية

ورشة التداوي بالكتابة 

التداوي بالكتابة كمسمى ممكن يزعج بعض الناس

مع ان كلنا مهما كانت حياتنا لطيفة وهادية جوانا حاجات محتاجة إعادة نظر، محتاجة تخرج برا سجن الصمت، محتاجة يتعبر عن احساسنا بيها، عشان متضغطش على مشاعرنا وقراراتنا وتصرفاتنا

واامن واوفر طريقة لده، لو المشكلة مش محتاجة تدخل متخصص نفسي كطبيب أو معالج

هي الكتابة 

الأسئلة اللي الواحد بيطرحها على نفسه ويجاوب عليها بتكون عاملة زي جلسة كوتشنج شخصية بدون تدخل من بره

ال reflection اللي الشخص بيعمله على المواقف اللي ازعجته او سببت له ألم، بتكون عدسة مكبرة للمشاكل الأساسية اللي بنتغافل عنها أحيانا ونرفض نخوض فيها

الكتابة مجال رحب للنفس البشرية

من حق كل الناس تكتب بهدف  إفراغ المشاعر والتعبير عن النفس والتخلص من الحزن

وانا بعتبره نوع من المسئولية تجاه نفسك

زي الشاور اللي بتحافظ بيه على نظافة جسمك وصحتك

أنت محتاج شاور كتابة تحافظ بيه على صحتك النفسية وسلامة عقلك ونظافة روحك

ورشة التداوي بالكتابة والشعر (حلفاء السعادة) 

هدفها:

* انك تفهمي نفسك اكتر

*تستوعبي مشاعرك وافكارك

*تعرفي محركات سلوكك وتصرفاتك

* تقدري تغيري العادات اللي بتضايقك

*تدركي احتياجاتك ورغباتك 

*تفهمي انتي ليه مش سعيدة

*تعرفي ايه يحققلك السعادة

ايه أهم مميزات التداوي بالكتابة:

*وسيلة سهلة ومتوفرة كل اللي هتحتاجيه ورقة وقلم 

*الأمان والخصوصية لأنك بتكتبي لنفسك عن نفسك، فمش هتلجأي لأي حيلة بشرية زي الكدب او الإنكار عشان شكلك او خوف من رد فعل الاخر 

*التوفير انتي مش هتروحي لكوتش ولا هتدفعي تمن سيشن كل ما تحتاجي تفضفضي ولا تحلى مشكلة 

*مهارة سهل تتعلميها، يعني لا هتحتاجي منتور ولا حد يتابعك انتي الرقيب على نفسك وانتي عارفة محتاجة امتى تكتبي 

*مش محتاجة وقت محدد ولا مواعيد سابقة ولا خروج ولا مواصلات، اجندتك وقلمك في شنطتك واتكلم معاهم في اي وقت واي مكان. 

*وسيلة متجربة لتغيير العادات السيئة اللي فشلتي معاها قبل كده 

*محدش هيعرف يسيطر على مودك، لأنك ببساطة هتقدري تخرجي نفسك من دايرة الابتزاز العاطفي واللوم وجلد الذات بسهولة 

*مش هتحتاجي مهدئات ولا مخدرات عشان تهربي من الواقع، سواء كان حقيقة او مجاز

للأشتراك بـ ورشة التداوي بالكتابة