لو فيه مساحة، آمنة م العشق

خالية من الأشواك

شموس الغل

ضل الحزن

توهة القلب ف ضلوعي

محفوفة بالأشواق

مفيش لا فراق

ولا خيرة

سوى انك تداوي القلب م الحيرة

بضمة حضن!!!

……

لو فيه مساحة هينة م الصدق

الكدب كان يهرب بلا رجعة

كل العيون تنفض تراب الدمع

كل المشاعر تلتقي صدفة

نفتح كهوف الحزن ع الميادين

قلبك يفرق حلم ع المساكين

روحك تطمن ف اللسان بيمين

وتفرق البسمة

لا لوم ولا من!!!!

تصفحي أيضًا أنا ليه مش سعيدة

….

لو فيه مسافة آمنة للبعد

أنا كنت ههجر دونما تفاسير

ولا كان يهم العقل ايه اتقال

ولا يوم يعيد الحزن ورد أثير

ولا فيه حنين يدبح خطاوي القلب

ولا فيه وجع

بيعجز الحكما

يطرح ف عيني

ذكريات بتأن!!!

لو فيه براح ف العمر كان مضمون

كنت أوعدك بالشمس فوق كفي

أو بالنجوم ف شوال على كتفي

كنت اوهبك كيف القمر ف البعد

والنقص بعد ما يكتمل ويمل

من غير قلق ميكونش بيننا ميعاد

أو رد كل سؤال بكلمة: أظن!!!!

اقرأ أيضًا أنا مريضة!!

اقرأ أيضًا سبع انعاكسات للنهاية

تابعونا علي الفيسبوك 

ظهرت المقالة لو فيه مساحة!! أولاً على هالة عماد.