النشر الذاتي الالكتروني على أكثر من منصة - هالة عماد

النشر الذاتي الالكتروني

امراة تحمل كتابا داخل اناء طهي تستخدمه كرمزية لدورة تدريبية عن الكتابة والنشر الذاتي الالكتروني

أولا النشر الذاتي الالكتروني

النشر الذاتي الالكتروني بشكل كبير كان بيمثل النشر على منصة أمازون وكان بيهدف أن أي حد عنده

كتاب ممكن ينشر كتابه في دقايق معدودة ويكون متاح على المنصة خلال ساعات (حوالي ٤٨ ساعة)

النشر الذاتي رابط موقع أمازون للنشر الذاتي

دلوقت ممكن تنشر كتابك في عدد كبير جدا من المنصات الإلكترونية عربية وعالمية بسهولة وسرعة
زي
جوجل بوك ستور
آبل بوك ستور
سماشووردز
كتبي
كتبنا

كل منصة لها شروط في شكل الملف فمهم تبحث عن الشروط دي وتحققها

تعرف على أفضل 20 منصة تقدم خدمة بيع الكتب

كمان ممكن تنشره والناس تشتريه بفلوس أو مجانا
ومن أهم المنصات اللي بتدعم مشاركة الكتب مجانا

عصير الكتب
هنداوي

 

مميزات النشر  الالكتروني:

١. اهم ميزة في النشر على امازون انك ممكن تنشر الكتاب ككتاب الكتروني
وممكن تتيح كمان الكتاب ورقي واللي فيه بيطلبه العميل لو محتاج الكتاب ورقي واسمه
( الطباعة عند الطلب)
مع ملاحظة أن ده مش متوفر حاليا للكتب باللغة العربية
يعني لو كتابك بالإنجليزية هيكون سهل جدا تنشره ورقي أو الكتروني في خلال اسبوع من رفعه على منصة كيندل

٢. انك مش بتتكلف اي فلوس عشان ترفع كتابك على كيندل أو جوجل أو آبل بوك ستور
كيندل كمان بتوفرلك أداة لتصميم غلاف بسيط للكتاب يعني حتى الغلاف مش هتدور على حد يعمله

٣. بتحفظ حقوقك الأدبية عالميا لأنك بتاخد ترقيم دولي لكتابك من أي منصة انت نشرته عليها

٤. طبعا الكتاب متاح لكل الناس في أي حتة فبتلغي قصة الشحن المكلف والمغالى فيه جدا

لو حد طلب الكتاب في دولة غير اللي انت عايش فيها

٥. فيه مراجعة إلكترونية على كيندل عشان لو عندك كلمة غلط او جملة تركيبها غلط بيلفتوا نظرك لها قبل النشر بايميل

٦. بتسعر كتابك بالسعر اللي انت عاوزه وممكن تغير سعره وتعمل عليه عروض في أي وقت

٧. مش معنى أن الكتاب الكتروني متعملش دعاية
بالعكس ده مش انت بس اللي هتعمل دعاية
امازون كمان بيعمل دعاية لو اشتركت في برنامج اسمه
kindle limited edition
‏وده معناه انك مش هتنشره الكتروني لمدة ٣ شهور في أي مكان غير كيندل
‏وهما بيروجوا للكتاب متسخة حصرية
كمان ممكن تتفق مع الناس اللي بيستخدموا امازون افلييت يروجوا لكتابك

كده مفيش اسهل ولا اسرع من الموضوع
جهز كتابك
جهز الغلاف
اعمله نسخة مناسبة وورد او epub
وانشره على كيندل
‏وحقق دخل منه خلال اسبوع

لو عاوزين تعرفوا اكتر عن الكتابة والنشر احجزوا مكانكم في ورشة

COOK YOUR BOOK
Round 5

 

 
 

 

 

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.